Ամերիկյան «Condé Nast Traveler» ամսագիրը հրապարակել է 2017 թվականի լավագույն կղզիների ցանկը: Առաջին երեք հորիզոնականները զբաղեցրել են Ֆիլիպինների տարածքները:

Վարկանիշի առաջնորդը Բորաքայ փոքրիկ կղզին է, որը զբոսաշրջիկներին գրավում է իր լողափերով, արևադարձային կլիմայով և գեղեցիկ մայրամուտներով: Ճանապարհորդների կարծիքով՝ Բորաքայի ամենահայտնի վայրերից մեկը Սպիտակ լողափն է, որը կատարելապես համապատասխանում է ստորջրյա լողի համար:

Երկրորդ հորիզոնականը գրավել է Սեբու կղզին (Ֆիլիպիններ): Այն զբոսաշրջիկներին գրավում է գեղեցիկ լողափերով, մարդաշատ ռեստորաններով ու խանութներով:

Երրորդ տեղում է հայտնվել Փալավան կղզին՝ աշխարհի 7 հրաշալիքներից մեկի՝ Պուերտո Պրինցեսայի շնորհիվ, որը աշխարհի ամենաերկար ստորգետնյա գետն է: Գետի հովտում ազգային պարկ է ստեղծվել, զբոսաշրջիկների համար էքսկուրսիաներ են կազմակերպվում ստորգետնյա քարանձավներում:

Ցուցակի մեջ են հայտնվել նաև իսպանական Մայորկան, Միկոնոսը (Հունաստան), Բերմուդյան կղզիները, Սեն Բարթուղեմեոսը (Ֆրանսիայի անդրծովյան միություն), Բալին (Ինդոնեզիա) և Կայմանյան կղզիները:

«Condé Nast Traveler» ամսագրի ամենամյա վարկանիշային ցուցակը կազմվում է ավելի քան 300 հազար ճանապարհորդների արձագանքների հիման վրա:

Vesti.am