Խարկովում ընթացող բռնցքամարտի Եվրոպայի առաջնությունում այսօր շարունակվում են քառորդ եզրափակչի մենամարտերը:

Հայաստանի ներկայացուցիչներից պայքարը շարունակում են 60 կգ քաշային Կարեն Տոնականյանն ու 64 կգ քաշային Հովհաննես Բաչկովը: Այդ մասին հայտնում է ՀԲՖ-ի մամուլի քարտուղարությունը:

Ցերեկային մրցահերթում Բաչկովը կմրցի հունգարացի Ռիչարդ Կովաչի հետ, իսկ Տոնականյանը երեկոյան մրցահերթում ուժերը կչափի Ռուսաստանը ներկայացնող Գաբիլ Մամեդովի հետ:

Մեր երկու բռնցքամարտիկներն այսօր հաղթանակ տոնելու դեպքում դուրս կգան կիսաեզրափակիչ փուլ և կապահովեն առնվազն բրոնզե մեդալներ:

Vesti.am