Ֆրանսիայում ԱՄՆ դեսպանատունը կոչ է արել ամերիկացիներին զգույշ լինել երկրում տիրող անկարգությունների պատճառով: Տեղեկատվությունը հրապարակվել է դեսպանատան կայքում:

«Ուսանողական բողոքի ցույցերը շարունակվում են ամբողջ Ֆրանսիայում, և որոշները վերաճել են անկարգությունների: Դպրոցական կամպուսների դիմաց երթեր են տեղի ունենում: Հարյուրավոր ավագ դպրոցներ փակվել են ամբողջ Ֆրանսիայում: Ուսանողական կազմակերպությունները կոչ են անում հոկտեմբերի 6-ին միասնական բողոքի օր անցկացնել, որին սպասվում է ուսանողական միությունների, կրթական միությունների և ծնողական միությունների մասնակցությունը», – ասվում է հայտարարության մեջ:

Դեսպանությունը կոչ է արել ԱՄՆ քաղաքացիներին խուսափել այն վայրերից, որտեղ տեղի են ունենում ցույցեր, և հետևել տեղական լրատվամիջոցների հաղորդագրություններին։

Դպրոցականների բողոքի ցույցերը սկսվել են սեպտեմբերի վերջին Փարիզի Իլ դը Ֆրանս շրջանում և այժմ տարածվել են ամբողջ Ֆրանսիայում։ Մասնակիցները բողոքում են գերծանրաբեռնված դասացուցակների, ուսուցիչների պակասի և կրթական համակարգում առկա այլ խնդիրների դեմ։ Որոշ վայրերում բողոքի ցույցերը վերածվել են անկարգությունների և ոստիկանության հետ բախումների։ Այդ ժամանակվանից ի վեր իրավապահ մարմինները ձերբակալել են ավելի քան 5000 մարդու, որոնց 90%-ը անչափահասներ են եղել։