Ռուսաստանի իշխանությունները պատրաստում են դիզելային վառելիք արտադրողների համար արտահանման արգելքը ևս մեկ ամսով՝ մինչև հոկտեմբերի վերջ երկարաձգելու փաստաթուղթ։ Ինչպես տեղեկացնում է «Արմենպրես»-ը, ՏԱՍՍ-ին այս մասին հայտնել է ոլորտի աղբյուրը։ Նրա խոսքով՝ փաստաթուղթը ներկայում համաձայնեցման փուլում է։ 

Արտադրողների համար գործող արգելքի ժամկետը լրանում է սեպտեմբերի 30-ին։ Դիզելային վառելիք չարտադրող ընկերությունների համար արտահանման արգելքը գործում է մինչև 2027 թվականի հունվարի 31-ը։