Բելգիայի վարչապետ Բարտ դե Վևերը չի կարողացել իր հնդիկ գործընկեր Նարենդրա Մոդիին հանձնել նվերը՝ «Հնդկաստանի դարպասը» հուշարձանի շոկոլադե կրկնօրինակը. հաղորդում է Belga News Share-ը։

«Ես ուզում էի վարչապետ Մոդիին արժանի նվեր բերել՝ «Հնդկաստանի դարպասի» կրկնօրինակը՝ պատրաստված լավագույն բելգիական շոկոլադից։ Սակայն, ի տարբերություն իրականի, որը կանգնած է գրեթե մեկ դար, շոկոլադե տարբերակը նույնիսկ չդիմացավ Հնդկաստան ուղևորությանը», – կատակել է Բելգիայի վարչապետը։

Այնուամենայնիվ, Դե Վևերը շեշտել է, որ «Հնդկաստանի դարպասը» խորհրդանշում է իր այցի նպատակը։ Նա նշել է, որ Բելգիան և Հնդկաստանն «ունեն ընդհանուր պատմություն և շատ բան ունեն միմյանց առաջարկելու»։