ԱՄՆ նախագահ Դոնալդ Թրամփի և Չինաստանի նախագահ Սի Ծինփինի միջև հարաբերությունները հիմնված են փոխադարձ հարգանքի վրա, հայտարարել է պետքարտուղար Մարկո Ռուբիոն։
«Նախագահ Թրամփի և նախագահ Սի Ծինփինի միջև հարաբերությունները հիմնված են փոխադարձ հարգանքի վրա։ Կարևոր է, որ մեր առաջնորդները կարողանան խոսել միմյանց հետ։ Չինաստանի հետ անմիջական շփում չունենալը անպատասխանատու կլինի. մենք ցանկանում ենք կայունություն մեր հարաբերություններում։ Կարծում եմ՝ երկու կողմերն էլ հասկանում են, որ կան ոլորտներ, որտեղ մենք կհամաձայնվենք, կան ոլորտներ, որտեղ մենք կմրցենք, բայց կան ոլորտներ, որտեղ մենք կարող ենք համագործակցել, և դա ֆենոմենալ է և ֆանտաստիկ աշխարհի համար», – ասել է նա օգոստոսի 1-ին Fox News-ին տված հարցազրույցում։
Ռուբիոյի խոսքով՝ Չինաստանը և ԱՄՆ-ը «ամենահզոր համաշխարհային տնտեսություններն» են և ունեն «հավանաբար աշխարհի ամենահզոր բանակները»։ Պետքարտուղարը վստահություն է հայտնել, որ Վաշինգտոնը և Պեկինը պետք է պահպանեն կապը և համագործակցեն՝ հակամարտությունից խուսափելու համար։
