Իրանի զինված ուժերը հարվածներ են հասցրել Քուվեյթում տեղակայված «Ալի Ալ Սալեմ» ամերիկյան ավիաբազային՝ ոչնչացնելով անօդաչու թռչող սարքերի երկու անգար և վառելիքի պահեստ։
«Այսօր «Նասր-2» գործողության շրջանակում, ագրեսորին պատժելու նպատակով, Իսլամական հեղափոխության պահապանների կորպուսի ուժերը գրոհ են ձեռնարկել «Ալի Ալ Սալեմ» ամերիկյան ավիաբազայի վրա՝ ոչնչացնելով անօդաչու թռչող սարքերի երկու անգար և ինքնաթիռների ու ռազմական ուղղաթիռների համար նախատեսված վառելիքի պահեստ»,- ԻՀՊԿ-ի հայտարարությունն է մեջբերել Իրանի պետական հեռուստատեսությունը։
Նշենք, որ գիշերն ամերիկյան ուժերը կրկին հարվածներ են հասցրել Իրանի ուղղությամբ, Իրանն ի պատասխան այս գործողությունների է ձեռնարկել Քուվեյթում տեղակայված ամերիկյան ավիաբազայի վրա գրոհը։
