Եվրասիական տնտեսական միության (ԵԱՏՄ) ղեկավարները ուրբաթ օրը կքննարկեն ԵԱՏՄ-ում Հայաստանի մասնակցության հարցը, հայտարարել է Ռուսաստանի նախագահի օգնական Յուրի Ուշակովը։
«Վաղը տեղի կունենա Եվրասիական բարձրագույն խորհրդի նիստը։ Կարծում եմ՝ այս հարցը որոշ չափով կքննարկվի», – լրագրողներին ասել է նա՝ պատասխանելով ԵԱՏՄ-ում Հայաստանի մասնակցության վերաբերյալ ռուս-ղազախական կոնսենսուսի մասին հարցին։
Պուտինը պետական այցով Ղազախստանում է մայիսի 27-ից 29-ը։ Պետության ղեկավարին Աստանայում ուղեկցում է ավելի քան 30 հոգուց բաղկացած պատվիրակություն, այդ թվում՝ փոխվարչապետ Ալեքսեյ Օվերչուկը և ինը դաշնային նախարարներ։ Նախագահը նաև կմասնակցի Աստանայում կայանալիք Եվրասիական բարձրագույն տնտեսական խորհրդի նիստի շրջանակներում կազմակերպվող միջոցառումներին։
