Եվրասիական տնտեսական ֆորումի շրջանակում Աստանայում կանցկացվի մաքսային վարչարարությանը նվիրված կարևոր նիստ։ Ուշադրության կենտրոնում կլինեն ավտոմատացումը, արհեստական բանականությունը և տարանցման «անխափան» համակարգը։
ԵԱՏՄ Մաքսային օրենսգրքի ութ տարվա գործողության ընթացքում (2018 թվականի հունվարի 1-ից) միության «հնգյակի» մաքսային ոլորտում տեղի է ունեցել տեկտոնական փոփոխություն՝ թղթային հայտարարագրերից անցում դեպի թվային ալգորիթմներ, որտեղ բեռների ձևակերպման ժամանակը չափվում է րոպեներով։ Հայտնում են կազմակերպության մամուլի ծառայությունից:
ԵԱՏՄ-ում էլեկտրոնային հայտարարագրման բաժինը կայուն կերպով գերազանցում է 90 տոկոսը։ Բեռների ձևակերպումը տևում է ընդամենը րոպեներ։ Դրան հաջողվել է հասնել թվային գործիքների ամբողջական էկոհամակարգի շնորհիվ՝ արհեստական բանականության տարրեր, մեծ տվյալների վերլուծություն, այլ գերատեսչությունների բազաների հետ ավտոմատ համադրում։ Նույնիսկ ստուգում-զննման համալիրների պատկերների վերլուծությունը վստահված է «խելացի» մեքենաներին։
