Այսօր ավտովթար է տեղի ունեցել Արագածոտնի մարզում։  «Mitsubishi Pajero» մակնիշի ավտոմեքենան Հարթավան-Քուչակ գյուղերի միջանկյալ ճանապարհահատվածում, դեպի Երևան ընթանալիս, դուրս է եկել հանդիպակաց երթևեկելի գոտի, բախվել հողաթմբին և գլխիվայր հայտնվել դաշտով անցնող երկաթե ջրախողովակի վրա։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով մեկ հոգի   տեղափոխվել է հիվանդանոց, բայց հետո հրաժարվել է այնտեղ մնալուց։

Վարորդը ենթարկվել է սթափության փորձաքննության, եղել է սթափ։

Վթարի փաստով փաստաթղթեր են կազմվել։