Մոսկվայում և Մոսկվայի մարզում ձյան առատ տեղումների, մերկասառույցի և քամու պատճառով եղանակային վտանգի «նարնջագույն» մակարդակ է հայտարարվել: «Արմենպրես»-ի փոխանցմամբ՝ այս մասին հաղորդում է «Ինտերֆաքս» գործակալությունը:
Ձնաբքի հետևանքով բազմաթիվ ծառեր են տապալվել, մեքենաներ վնասվել: Ըստ տարբեր լրատվամիջոցների՝ վատ տեսանելիության պատճառով Մոսկվայի օդանավակայաններում շուրջ 50 թռիչք է հետաձգվել: Մոսկվայի մարզի գրեթե հինգ տասնյակ բնակավայրերում էլեկտրամատակարարման խափանումներ են տեղի ունեցել:
Առաջիկա մեկ օրվա ընթացքում սպասվում են ձյուն և ձնախառն անձրև: Վտանգի «նարնջագույն» մակարդակը կպահպանվի մինչև ապրիլի 28-ի ժամը 03:00-ն: Մինչև կեսգիշեր սպասվում են մինչև 10 մմ տեղումներ:
