ՆԳՆ ոստիկանությունը ներկայացրել է օպերատիվ իրավիճակը հանրապետությունում ապրիլի 20-21-ը:

Բացահայտվել է 129 հանցագործություն, որոնցից 7-ը՝ նախկինում կատարված:

39 դեպք՝ տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,

12 դեպք՝ ֆիզիկական ներգործության,

8-ական դեպք՝ անձնական ունեցվածքի գողության, թմրանյութի հայտնաբերման,

7 դեպք՝ փաստաթղթեր կեղծելու,

6 դեպք՝ մարմնական վնասվածք պատճառելու,

5-ական դեպք՝ գույքը ոչնչացնելու կամ վնասելու, աշխատանքի պաշտպանության կանոնները խախտելու,

4 դեպք՝ խուլիգանության,

3-ական դեպք՝ հոգեկան ներգործության, ինքնիրավչության,

2-ական դեպք՝ խարդախության, պաշտոնեական կեղծիքի կամ անփութության, պաշտոնատար անձի ծառայողական գործունեությանը միջամտելու, սառը զենք կրելու։

Բացահայտվել են ավտոմեքենայի գողության, վստահված գույքըի հափշտակման, զենք-զինամթերքի առգրավման, բուժաշխատողի կողմից մասնագիտական պարտականությունները չկատարելու, կանխիկ դրամական միջոցների և (կամ) վճարային գործիքների մաքսանենգության, անառակաբարո արարք կատարելու, բնակարանի անձեռնմխելիությունը խախտելու, անհետաձգելի միջամտության որոշումը կամ պաշտպանական որոշումը չկատարելու, փաստաթղթեր հափշտակելու և այլ դեպքեր։

Նախկինում կատարված հանցագործություններից բացահայտվել է՝

4 դեպք՝ անձնական ունեցվածքի գողության,

1-ական դեպք՝ մարմնական վնասվածք պատճառելու, բնակարանային գողության, խարդախության։

Հայտնաբերվել է 8 հետախուզվող, կամավոր ներկայացել՝ 2-ը։

Անցած 1 օրում գրանցվել է 14 ավտովթար․ 15 մարդ ստացել է տարբեր աստիճանի մարմնական վնասվածքներ։