Լիբանանի իշխանությունները տեղյակ չեն Իսրայելի հետ հնարավոր շփումների մասին, որոնց մասին հայտարարել էր ԱՄՆ նախագահ Դոնալդ Թրամփը։ Բեյրութում համապատասխան տեղեկատվություն պաշտոնական ուղիներով չեն ստացել: Այս մասին հայտնում է ՏԱՍՍ-ը՝ հղում անելով Agence France-Presse-ին։
«Մենք տեղյակ չենք իսրայելական կողմի հետ որևէ պլանավորված շփումների մասին, և մեզ այդ մասին պաշտոնական ուղիներով չեն տեղեկացրել»,- ասել է գործակալության զրուցակիցը։
Ավելի վաղ ԱՄՆ նախագահ Դոնալդ Թրամփը հայտարարել էր, որ Իսրայելի և Լիբանանի առաջնորդները հինգշաբթի օրը բանակցություններ կանցկացնեն։ Նրա գնահատմամբ՝ երկու երկրների առաջնորդները վերջին անգամ խոսել են 34 տարի առաջ
