Ռուսաստանի արտաքին գործերի նախարարությունը հայտնում է, որ փոխարտգործնախարար Միխայիլ Գալուզինն ընդունել է Ռուսաստանում Թուրքիայի դեսպան Թանջու Բիլգիչին։
«Կայացել է մտքերի փոխանակում ուկրաինական ճգնաժամի շուրջ ստեղծված իրավիճակի վերաբերյալ։ Դիվանագիտական առաքելության ղեկավարին ներկայացվել են Ռուսաստանի հիմնարար մոտեցումները հակամարտությունը քաղաքական և դիվանագիտական ճանապարհով լուծելու ուղիներ գտնելու հարցում՝ ընդգծելով դրա արմատական պատճառները լուծելու անհրաժեշտությունը», – ասվում է հայտարարության մեջ։
Քննարկվել է նաև Հարավային Կովկասում ստեղծված իրավիճակը։ Երկու կողմերը վերահաստատել են իրենց հանձնառությունը՝ տարածաշրջանում խաղաղության և կայունության շահերից ելնելով հետագա համակարգման համար։
