Բրիտանիայի թագավոր Չարլզ III-ը հայտարարել է, որ օրենքը պետք է գերակայի՝ իր կրտսեր եղբոր ձերբակալության մասին լուրից հետո, հայտնում է Ռոյթերս-ը:
«Խորին մտահոգությամբ տեղեկացա Էնդրյու Մաունթբաթեն-Վինձորի վերաբերյալ լուրերի և պաշտոնեական լիազորությունների չարաշահման կասկածանքի մասին։ Այն, ինչ հիմա հաջորդելու է, լիարժեք, արդար և պատշաճ գործընթաց է, որի միջոցով այս հարցը կքննվի համապատասխան ձևով և համապատասխան մարմինների կողմից։ Այս հարցում, ինչպես նախկինում ասել եմ, նրանք ունեն մեր լիակատար ու անվերապահ աջակցությունն ու համագործակցությունը։
Թույլ տվեք հստակ նշել. օրենքը պետք է գերակայի։
Քանի դեռ այս գործընթացը շարունակվում է, ճիշտ չի լինի, որ ես հետագա մեկնաբանություններ անեմ այս հարցի վերաբերյալ։ Մինչդեռ ես և իմ ընտանիքը կշարունակենք մեր պարտքն ու ծառայությունը ձեզ բոլորիդ»,- ասել է թագավորը:
