Արշակ Սրբազանի պաշտպան Սերգեյ Հարությունյանը հույս ունի, որ այսօր դատավոր Կարեն Ֆարխոյանը արդար որոշում կկայացնի եւ կփոխի Սրբազանի խափանման միջոցը։
«Իրավական պետության մեջ այդ հույսը կլիներ համոզմունք, իսկ հիմա ժամանակը ցույց կտա։ Տրամաբանությունից դուրս է, որ կալանքի տակ գտնվող 4 Սրբազաններից 3–ի գործը մեկ դատավորի մոտ կլինի։ Երկու օր առաջ հանդիպել եմ Արշակ Սրբազանին, նա գիտակցում է, որ այս ամենի պատճառը իր նման Սրբազաններին մեկուսացնելն է, որ իրենց հակաեկեղեցական արշավն իրականացվի ավելի լայն թափով։ Արշակ Սրբազանը հումորով, եթե ոչ հեգնանքով է վերաբերում այս իրավիճակին»,– այսօր դատական նիստից լրագրողների հետ զրույցում ասաց Հարությունյանը։
Նշենք, որ դատարանն այսօր քննում է Արշակ Սրբազանի կալանքի ժամկետը երկարաձգելու միջնորդությունը։
