Դատարանը հեռակա կարգով կքննի Ուկրաինայի նախկին վարչապետ Յուլիա Տիմոշենկոյի դեմ հարուցված քրեական գործը՝ կապված Ռուսաստանի զինված ուժերի մասին կեղծ լուրերի տարածման հետ, հայտնում է ՌԴ գլխավոր դատախազությունը, հաղորդել է Ռիա Նովոստին:
Գործակալությունը հայտնում է, որ քննիչների տվյալներով՝ մեղադրյալը, գտնվելով Ռուսաստանից դուրս և ռուս զինծառայողների նկատմամբ քաղաքական ու գաղափարական ատելությունից ու թշնամանքից դրդված, պատրաստել և իր սոցիալական ցանցերի էջում տեղադրել է մի հրապարակում, որը պարունակում էր միտումնավոր կեղծ տեղեկություններ Բուչա և Իրպեն քաղաքներում խաղաղ բնակիչների սպանություններին Ռուսաստանի զինված ուժերի անձնակազմի ներգրավվածության մասին։
