Դեկտեմբերի 16-ին ԱՄՆ նախագահ Դոնալդ Թրամփի և ԱՄՆ-ում Հարավային Կորեայի դեսպանի միջև տեղի ունեցած ջերմ հանդիպման ժամանակ Թրամփը հատուկ բարեմաղթանքներ է հղել Հարավային Կորեայի նախագահ Լի Չժե Մյոնին, X սոցիալական ցանցում հայտնել է Հարավային Կորեայի նախագահի աշխատակազմի ղեկավար Կանգ Հուն Սիկը։
Ինչպես նշել է Հարավային Կորեայի նախագահի աշխատակազմի ղեկավարը, Թրամփը հայտարարել է, որ իրեն շատ է դուր գալիս իր գործընկերը, և ըստ նրա, երկու առաջնորդների միջև ամենաբարձր մակարդակով համագործակցային հարաբերություններ են զարգացել։
Մասնավորապես, նախորդ տարվա հոկտեմբերին Կորեա կատարած իր այցի ժամանակ նա շատ արժեքավոր նվեր էր ստացել և ի պատասխան ցանկացել էր առանձնահատուկ նվեր մատուցել, ուստի մեր նախագահին է ուղարկել Սպիտակ տան համար պատրաստված 5 ոսկե բանալիներից վերջինը, պատմել է Կան Հուն Սիկը:
«Սպիտակ տան ոսկե բանալին այն է, ինչ նախագահ Թրամփն անձամբ է մշակել հատուկ հյուրերին հանձնելու համար և դրա վրա փորագրված է նախագահական կնիքը՝ «ՍՊԻՏԱԿ ՏԱՆ ԲԱՆԱԼԻ» (KEY TO THE WHITE HOUSE) մակագրության հետ միասին։ Հայտնի է, որ մինչ օրս ոսկե բանալի ստացել են Իսրայելի վարչապետ Բենիամին Նեթանյահուն, Ճապոնիայի նախկին վարչապետ Տարո Ասոն, Tesla-ի գլխավոր տնօրեն Իլոն Մասկը և ֆուտբոլիստ Կրիշտիանու Ռոնալդուն»,- նշել է նա։
Հարավային Կորեայի նախագահի աշխատակազմի ղեկավարը նաև հիշել է մի անեկդոտ, որը Թրամփի փեսա Ջարեդ Քուշներն էր պատմել իր հուշագրերում՝ կապված ԱՄՆ նախագահի խոսքերի հետ, երբ նա նույնպիսի բանալի էր հանձնում Իսրայելի վարչապետ Բենիամին Նեթանյահուին։
«Նույնիսկ այն բանից հետո, երբ ես թողնեմ իմ պաշտոնը, եթե դուք այս բանալին ցույց տաք Սպիտակ տան գլխավոր մուտքի մոտ, ձեզ ներս կթողնեն»,- մեջբերել է նա ԱՄՆ նախագահի խոսքերը։
