Ֆուտբոլի միջազգային ֆեդերացիայի (ՖԻՖԱ) խորհուրդը հաստատել է 2026 թվականի աշխարհի առաջնության մասնակիցներին հատկացվելիք մրցանակային գումարների չափը։ Այս մասին հայտնում է ՖԻՖԱ-ի մամուլի ծառայությունը։

Ընդհանուր առմամբ, ՖԻՖԱ-ն ազգային ասոցիացիաների միջև կբաշխի 727 միլիոն դոլար։ Մրցանակային հիմնական ֆոնդը կազմում է 655 միլիոն դոլար, որը կբաշխվի հետևյալ կերպ՝ ըստ զբաղեցրած տեղերի.

• Չեմպիոն - 50 մլն դոլար
• 2-րդ տեղ - 33 մլն դոլար
• 3-րդ տեղ - 29 մլն դոլար
• 4-րդ տեղ - 27 մլն դոլար
• 5-8-րդ տեղեր - 19-ական մլն դոլար
• 9-16-րդ տեղեր - 15-ական մլն դոլար
• 17-32-րդ տեղեր - 11-ական մլն դոլար
• 33-48-րդ տեղեր -9-ական մլն դոլար

Բացի բուն մրցանակային գումարներից, որակավորման փուլը հաղթահարած յուրաքանչյուր հավաքական կստանա հավելյալ 1,5 մլն դոլար՝ մրցաշարի նախապատրաստական ծախսերը հոգալու համար։

Սա նշանակում է, որ ԱԱ-2026-ի բոլոր մասնակիցներին, անկախ արդյունքից, երաշխավորված է առնվազն 10,5 մլն դոլար (9 մլն՝ խմբային փուլին մասնակցելու և 1,5 մլն՝ նախապատրաստության համար)։

Կիսվել այս նյութով

Աղբյուրը`ArmSport.am