Ռուսաստանի նախագահ Վլադիմիր Պուտինը մասնակցում է Հավաքական անվտանգության պայմանագրի կազմակերպության (ՀԱՊԿ) գագաթնաժողովի ընդլայնված նիստին։

Միջոցառումը տեղի է ունենում Բիշքեկի «Ինտիմակ Օրդո» նստավայրում։ Նախկինում ՀԱՊԿ անդամ պետությունների ղեկավարները նեղ կազմով հանդիպում են անցկացրել։

Պուտինը նաև կմասնակցի եզրափակիչ փաստաթղթերի ստորագրման արարողությանը։  

«Հավաքական անվտանգության պայմանագրի կազմակերպությունը (ՀԱՊԿ) հուսալիորեն երաշխավորում է անվտանգությունն ու կայունությունը Եվրասիական տարածաշրջանում։

Ռուսաստանի 2026 թվականի ՀԱՊԿ նախագահությունը կանցկացվի «Հավաքական անվտանգություն՝ բազմաբևեռ աշխարհում» կարգախոսի ներքո», -ասել է ՌԴ նախագահ Վլադիմիր  Պուտինը։

Ղրղզստանի նախագահ Սադիր Ջապարովը հայտարարել է, որ  Ռուսաստանը ստանձնել է ՀԱՊԿ-ի նախագահությունը։

Հավաքական անվտանգության խորհրդի այսօրվա նիստում ՀԱՊԿ պետությունների ղեկավարները որոշել են հաջորդ նիստը անցկացնել Ռուսաստանում՝ 2026 թվականի նոյեմբերի 11-ին։
 

Ինչպես ավելի վաղ հայտնել էինք, Հայաստանը չի մասնակցում  Բիշքեկում տեղի ունեցող ՀԱՊԿ գագաթնաժողովին։

Աղբյուրը՝ Aysor.am