Էջմիածնի համայնքապետի ընտրությունների
արդյունքների վերաբերյալ Նիկոլը հայտարարում է. «Ձեր ընտրությամբ կարևոր լիցք
տվեցիք մեր սրբության սրբոցը՝ Մայր Աթոռ Սուրբ Էջմիածինը Կտրիճ Ներսիսյանից
ազատելու գործընթացին»:
Մայր Աթոռը Էջմիածին համայնքի հետ այնքան
կապ ունի, որ տեղակայված է այդ քաղաքում, ուրիշ ոչինչ: Իսկ դա Նիկոլ Փաշինյանին ոչ
մի իրավունք չի տալիս ընտրությունների արդյունքները շահարկել՝ Եկեղեցու և
Կաթողիկոսի նկատմամբ ոտնձգություններն ուժեղացնելու համար: Առիթ տալիս է, նույնիսկ
Էջմիածնում պարտությունը նա կարող էր օգտագործել որպես առիթ: Փաշինյանը Փաշինյան
չի լինի, եթե նույնիսկ իր պարտությունը չօգտագործի ի շահ իրեն:
Նա 2021 թվականի ընտրություններում ստացած
աղքատիկ քվեները մինչև հիմա շահարկում է՝ իր դավաճանական գործողություններն ու
ռեպրեսիաներն արդարացնելու և լեգիտիմացնելու համար, թեև այդ ընտրություններում
նրան ոչ մեկը չի լիազորել ճանաչել Ադրբեջանի տարածքային ամբողջականությունը,
հանձնել Արցախը և տնավեր անել արցախցիներին, բանտարկել իշխանափոխության կոչ անող
ընդդիմադիրներին, հալածել եկեղեցականներին և այլն:
Մայր Աթոռի, Կաթողիկոսի և, ընդհանրապես,
եկեղեցու հարցը դուրս է ոչ միայն Էջմիածնի քաղաքապետարանի, այլև իշխանության
լիազորություններից: Եկեղեցին հայ ժողովրդինն է, համայն աշխարհի հայությանը:
