Իրանի խորհրդարանի խոսնակ Մոհամմադ Բաքեր Քալիբաֆը նոյեմբերի 5-ին կգլխավորի բարձր մակարդակի խորհրդարանական պատվիրակության այցը Պակիստան:
«Արմենպրես»-ի հաղորդմամբ՝ այս մասին հայտնում է IRNA-ն:
Այցը կայանում է երկու հարևան երկրների միջև քաղաքական և տնտեսական կապերի խորացման ջանքերի շրջանակներում։
Քալիբաֆը Պակիստան կմեկնի Պակիստանի ազգային ժողովի նախագահ Այազ Սադիքի հրավերով։
Իսլամաբադ կատարած այցի ընթացքում Քալիբաֆը հանդիպումներ կունենա Պակիստանի ազգային ժողովի և Սենատի խոսնակների ու անդամների հետ։
