Բուլղարիայի Ալբենա քաղաքում ավարտվեց պարաբազկամարտի 27-րդ աշխարհի առաջնությունը։ Այս մասին հայտնում են ՀՀ հաշմանդամային սպորտի Ֆեդերացիայից:
«Մեր մարզիկները պատվով ներկայացրին Հայաստանը՝ արժանապատվորեն մասնակցելով և իրենց հաղթանակներով մեծ պատիվ բերելով մեր երկրին։
Մեր խորին շնորհակալությունն ենք հայտնում մեր վստահելի բարեկամներին, որոնց շնորհիվ հնարավոր դարձավ ապահովել մեր մարզիկների մասնակցությունը։
Մասնավորապես՝ մեր ֆեդերացիայի գործընկեր «Զինապահ» Զինծառայողների Ապահովագրության Ազգային Հիմնադրամի միջնորդությամբ՝ վեց մասնակցի, որոնք վիրավորվել են 2020 թ․ Արցախյան պատերազմում, աջակցեց բարեգործական «Наследие и прогресс» («Ժառանգություն և առաջընթաց») հիմնադրամը, Արթուր Սողոմոնյանի գլխավորությամբ։
Մրցանակային տեղեր են զբաղեցրել՝
Սարգիս Ստեփանյան -ոսկե մեդալակիր
Գևորգ Համբարձումյան - ոսկե մեդալակիր
Գուրգեն Անտոնյան -բրոնզե մեդալակիր»,- նշված է հաղորդագրության մեջ:
