Ռուսաստանը գլխավորել է G20-ի վարկանշային աղյուսակը երկրորդ եռամսյակում գործազրկության ամենացածր մակարդակով, հաղորդում է ՌԻԱ Նովոստին՝ հղում անելով ազգային վիճակագրական ծառայությունների տվյալներին։
Վիճակագրական ծառայությունների տվյալներով՝ հունիսին Ռուսաստանում գործազրկության մակարդակը կազմել է 2,2%, ինչը 0,1%-ով պակաս է մարտ ամսվա ցուցանիշից։ Լրագրողները նշել են, որ սա ամենացածրն է աշխարհի բոլոր խոշորագույն տնտեսությունների շարքում։
Վարկանիշում հաջորդը Ճապոնիան է՝ 2,5%-ով։ Երկիրը երկրորդ եռամսյակն անընդմեջ զբաղեցնում է երկրորդ տեղը։ Առաջին եռյակը եզրափակել է Հարավային Կորեան, որտեղ գործազուրկ բնակչության բաժինը մարտի 2,9%-ից նվազել է մինչև 2,6%։
Վիճակագրական ծառայությունները ցույց են տվել, որ միակ երկիրը, որտեղ գործազրկության մակարդակը հասել է երկնիշ թվերի, Հարավային Աֆրիկան է։ Երկրորդ եռամսյակում այդ մակարդակը հասել է 33,2%-ի։ Մարտին երկրի գործազրկության մակարդակը կազմել է 32,9%։
