Մեծ Բրիտանիայի կառավարությունը հայտարարեց Ռուսաստանի դեմ նոր սահմանափակումների մասին՝ ընդլայնելով սանկցիաների ցանկը ևս ութ կետով։ Տեղեկությունը հրապարակվել է Միացյալ Թագավորության կառավարության պաշտոնական կայքում։
Թե կոնկրետ ինչ անձանց կամ կազմակերպությունների է վերաբերում այս փաթեթը, դեռ չի մանրամասնվում։ Նշվում է միայն, որ նոր քայլերը կապված են Ուկրաինայում շարունակվող պատերազմի և Մոսկվայի նկատմամբ տնտեսական ու քաղաքական ճնշումն ուժեղացնելու քաղաքականության հետ։
Լոնդոնը վերջին տարիներին պարբերաբար խստացնում է պատժամիջոցները Ռուսաստանի նկատմամբ՝ դրանք ուղղելով ինչպես բիզնեսի, այնպես էլ քաղաքական և ռազմական շրջանակների դեմ։
