GTB Holdings-ի սեփականատեր Գրիգոր Տեր-Ղազարյանի անունն արդեն օրեր շարունակ շրջանառվում է մամուլում առ այն, որ նա պատրաստվում է գնել  «Հայաստանի էլեկտրական ցանցեր» ՓԲԸ–ն։

    Vesti.am-ը լուրը ճշտելու համար զրուցեց GTB հոլդինգի փոխտնօրեն Թեհմինա Վարդանյանի հետ, որը նշեց.«GTB Holdings-ը այս պահին  ներգրավված չէ «Հայաստանի էլեկտրական ցանցեր» ՓԲԸ-ն գնելու բանակցություններում»։

   Հիշեցնենք, որ խոսակցությունները սկսվեցին այն ժամանակ, երբ գործարարը հուլիսի 24-ին այցելել էր ՀԷՑ։ Նրա այցը ֆիքսել էին լրատվամիջոցների ներկայացուցիչները, որոնց հարցերին Տեր-Ղազարյանը չէր պատասխանել։

   Նշենք նաև, որ Թեհմինա Վարդանյանի պատասխանը վերաբերում է միայն GTB հոլդինգի շրջանակում իրենց գործունեությանը, իսկ գործարարի անձնական այցերն ու քննարկումները դրանից  դուրս են։

Արմինե Բրսոյան