ԱՄՆ նախագահ Դոնալդ Թրամփը հայտարարել է, որ Իրանը հրաժարվել է միջուկային ծրագրի շրջանակում իրականացվող ստուգումներից և ուրանի հարստացման դադարեցման պայմաններից։ Այս մասին հայտնում է «Tasnim»-ը՝ վկայակոչելով «Reuters»-ին։
Թրամփը միևնույն ժամանակ ընդգծել է, որ Թեհրանի միջուկային ծրագիրը փաստացի դադարեցված է, սակայն չի բացառել, որ այն կարող է վերսկսվել այլ վայրերում։
«Նրանք հրաժարվել են ստուգումներից, հրաժարվել են դադարեցնել հարստացումը։ Բայց այնուամենայնիվ, փաստացի մենք տեսնում ենք, որ ծրագիրը դադարեցված է։ Թեև հնարավոր է՝ նրանք այլ վայրում շարունակում են աշխատանքները»,-նշել է ԱՄՆ նախագահը։
Նա նաև հայտնել է, որ մտադիր է Իրանի հարցը բարձրացնել Իսրայելի վարչապետ Բենյամին Նեթանյահուի հետ առաջիկա հանդիպման ընթացքում, որը նախատեսված է հաջորդ շաբաթ Վաշինգտոնում։
