Եկեղեցուն քննադատելը մի բան է, բայց նրան վախեցնելն ու ոչնչացնելը՝ բոլորովին այլ բան, հայտարարել է ՀՀ նախկին արտգործնախարար Արա Այվազյանը։
«Հայ Առաքելական Եկեղեցին կանգնած է պետականության ստեղծման և հայ ինքնության պահպանման ակունքներում։ Եկեղեցին միաժամանակ ստանձնել է դիվանագիտական գործառույթներ և պաշտպանել հայ ժողովրդի շահերը պետականության բացակայության պայմաններում։
Հիմա Հայաստանում մենք ականատես ենք լինում եկեղեցու ազդեցության և հեղինակության վրա հարձակմանը։ Ինչպե՞ս կարող է ժողովուրդը դեմ գնալ իր հոգևորականությանը։ Մենք պայքարեցինք այս միասնության և ազատության համար։ Կարմիր գծերը հատվել են։ Պետությունն իրավունք չունի սպառնալ եկեղեցուն, ինչպես որ եկեղեցին չի ձգտում կառավարել պետությունը։
Հայ Առաքելական Եկեղեցին քաղաքական կուսակցություն չէ, այլ մեր հոգևոր ժառանգության կենդանի ուժը։ Եկեղեցու թուլացումը նշանակում է պետության թուլացում», - նշել է Այվազյանը։
