Հայ ժողովուրդը շատ հաղթանակներ է ունեցել, բայց, միաժամանակ,
շատ քիչ հաղթանակի տոներ ունի: Մայիսյան հաղթանակների դերն ու նշանակությունը դեռ շատ
սերունդներ կգնահատեն, որովհետև դրանք մեր ժողովրդի վերածննդի մեկնարկն ու խորհրդանիշներն
են: Ոչ ոք չի կարող մեր ազգի հիշողությունից ջնջել Ավարայրը, Սարդարապատն ու Շուշին:
Բայց հիմա մեր երկիրը ղեկավարում է մեկը, ով թուրքի քմահաճույքով
ցանկանում է ջնջել մեր պատմությունը, մեր պապերի, հայրերի ու եղբայրների սխրանքի ու հերոսության հպարտությունը:
Նրան հպարտություն պետք չէ, որովհետև նա միայն իր փորն ու աթոռն է պաշտում, որովհետև
նա անցել է բոլոր կարմիր գծերը, որոնցից այն կողմ միայն իր խղճուկ մարմնի գոյությունն
ու փրկությունն է առաջնային:
Պետրոս Գետադարձն ու մելիք Ֆրանգյուլն անցել են, անցողիկ
է նաև Նիկոլ Փաշինյանը: Մեզ պետք է միայն մի բան՝ գիտակցել հաղթանակի արժեքն ու պայքարել վաղվա հաղթանակի համար: Մեր զավակները պետք է հպարտ ապրեն այս արևի տակ: Իսկ ով պարտության
մեջ է հաղթանակ փնտրում, թող դողա ամեն վայրկյան:
