Ռուսաստանի նախագահ Վլադիմիր Պուտինը ցավակցություն է հայտնել Իրանի Գերագույն առաջնորդին և նախագահին՝ Շահիդ Ռաջայի նավահանգստում տեղի ունեցած պայթյունի առիթով, որի հետևանքով, ըստ վերջին տեղեկությունների, զոհվել է 25 մարդ։
Ռուսաստանի Դաշնության նախագահի ցավակցական հեռագրի տեքստը հրապարակվել է Կրեմլի կայքում։
«Հարգելի պարոն Խամենեի,
Հարգելի պարոն Փեզեշկիան,
Ընդունեք մեր խորին ցավակցությունները Շահիդ Ռաջայի նավահանգստում տեղի ունեցած պայթյունի հետևանքով մարդկային զոհերի և լայնածավալ ավերածությունների առիթով։
Խնդրում եմ անկեղծ կարեկցանքի և աջակցության խոսքեր փոխանցել զոհվածների ընտանիքներին և մտերիմներին, ինչպես նաև շուտափույթ ապաքինման մաղթանքներ բոլոր տուժածներին։ Պատրաստ ենք անհրաժեշտ օգնություն ցուցաբերել այս աղետի հետևանքների վերացման գործում», - ասվում է Ռուսաստանի նախագահի ցավակցական հեռագրում։
