Եվրամիության (ԵՄ) անդամ երկրները դուրս են եկել ուկրաինական հակամարտության խաղաղ կարգավորման գործընթացից։ Այս մասին ՏԱՍՍ-ի թղթակցի հետ զրույցում ասել է Իռլանդիայում Ռուսաստանի դեսպան Յուրի Ֆիլատովը։
«Ես չեմ տեսնում նման հնարավորություն (մասնակցելու Ուկրաինայի հարցով բանակցություններին – խմբ.) ոչ միայն իռլանդացիների, այլև ընդհանրապես եվրոպացիների համար, ովքեր, հազվադեպ բացառություններով, իրենց նախանձախնդիր հակառուսական գործունեությամբ դուրս են եկել ցանկացած իրատեսական քաղաքական ջանքերի շրջանակից»,- նշել է նա։
Դիվանագետն ընդգծել է, որ մարտի 2-ին Մեծ Բրիտանիայի մայրաքաղաքում կայացել է եվրոպացի առաջնորդների ոչ պաշտոնական գագաթնաժողովը, որը նվիրված է եղել մարտական գոտում տիրող իրավիճակին։ Ֆիլատովի խոսքով, ևս մեկ նման միջոցառում նախատեսված է անցկացնել մարտի 15-ին, սակայն առցանց ձևաչափով։
«Այն, ինչ անում է Լոնդոնը, պարզապես գործընթացի իմիտացիա է, բրիտանացիների և նրանց գործընկերների՝ ֆրանսիացիների և որոշ այլոց կողմից ստեղծված իրավիճակում իրենց համար տեղ ստեղծելու փորձ»,- պարզաբանել է դեսպանը։
