Եղիշե Կիրակոսյանը Միջազգային իրավական հարցերով ներկայացուցչի պաշտոնը լքելու մասին հայտարարություն է արել, միաժամանակ շնորհակալություն է հայտնել Փաշինյանին՝ «վստահության համար»:
Բնականաբար ենթադրելի է, որ Եղիշե Կիրակոսյանի հրաժարականն ուղիղ կապ ունի միջազգային դատարաններում Ադրբեջանի դեմ եղած հայցերը ետ վերցնելու հետ, որն իրենից պահանջում էր հենց Նիկոլ Փաշինյանը՝ Ալիևի պարտադրանքով: Կիրակոսյանը ձևը գտավ՝ այդ հանցանքի տակ չմտնելու, բայց հանցանքը կանխելու համարձակություն չունեցավ:
Նա կարող էր հրաժարական չտալ և պաշտպանել իր դիրքորոշումը: Կարող էր իր հրաժարականի տեքստում բացահայտել Փաշինյանի դավադրությունը: Բայց նախընտրեց հեռանալ «անգլիական ձևով»՝ առանց հրաժեշտի ու սկանդալի:
Մի կողմից լավ է, որ Եղիշե Կիրակոսյանը գնաց այդ քայլին՝ հրաժարականին, որով ակնարկում է առաջիկա դավադրության մասին:
Մյուս կողմից էլ վատ է, որովհետև նրա փոխարեն կնշանակվի մեկը, ով առանց երկմտելու կկատարի Փաշինյանի ու Ալիևի պահանջը:
