Մոտ մեկ շաբաթ է՝ Զանգեզուրի պղնձամոլիբդենային
կոմբինատի աշխատանքները դադարեցված են։ ԶՊՄԿ-ից հայտարարություն են տարածել, որ պետությանն
օրական 100 մլն դրամի վնաս է պատճառվել։
«Մոտ մեկ շաբաթ մի խումբ օրինազանց
աշխատակիցների և ԶՊՄԿ հետ չառնչվող քաղաքացիների կողմից իրականացվող գործողությունների
հետևանքով ընկերության բնականոն գործունեության ապօրինի խաթարման արդյունքում ընկերությունը
օրական մոտ 400 միլիոն դրամի վնաս է հասցվել, իսկ պետությունը միայն հարկերի տեսքով
կրել է օրական ավելի քան 100 միլիոնի դրամի վնաս։ Տուժել են ընկերության հազարավոր
աշխատակիցներ։ Ակնկալում ենք, որ օրինախախտները կկրեն տեղի ունեցածի համար օրենքով
նախատեսված պատասխանատվություն»,- ասվում է ԶՊՄԿ տարածած հաղորդագրությունում։
Միայն այսօր է ՀՀ ՄԻՊ-ն աշխատակիցներ գործուղել Սյունիք՝
աշխատակիցների հետ խոսելու և տեղում խնդիրները պարզելու համար։ ՄԻՊ-ի ներկայացուցիչները, սովարաբար, արագ արձագանքման գործառույթ են իրականացնում։ Ինչևէ, շուրջ մեկ շաբաթ անց
ՄԻՊ-ը հաղորդագրություն է տարածում, որ այցելել են և խոսում է այցի նպատակների մասին։
«... Տղում ծանոթանալ Զանգեզուրի
պղնձամոլիբդենային կոմբինատի աշխատակիցների կողմից բարձրաձայնվող` իրավունքներին առնչվող
խնդիրներին, անձանց իրավունքների ապահովման վիճակին, ինչպես նաև աշխատանքային պայմանների
առնչությամբ բարձրաձայնվող մտահոգություններին»։ Այսնինքն՝ ՀՀ-ում կարող են անընդհատ
աշխատակիցների իրավունքներ ոտնահարել, այդ աշխատաիցների գործողությունները կարող են
վնաս հասցնել խոշոր հարկատուին և պետությանը, իսկ բոլորի իրավունքների պաշտպանը մեկ
շաբաթ անց որոշի արձագանքել։
Ընդ որում այդ խումբը, որ նոր մեկնել
է Սյունիք և հանդիպել գործադուլի մասնակիցներին և մույս կողմին՝ մարդու իրավունքների վերաբերելի
բարձրաձայնված բոլոր հարցերը նոր պետք է հաշվառի,
ներկայացնի Մարդու իրավունքների պաշտպանին:
Այդ ժամանակահատվոծում և՛ ընկերությունը,
և՛ մյուս կողմը կլուծեն իրենց խնդիրները։ Սա ևս ապացույց է, որ ՄԻՊ-ի իստիտուտը սահուն
քայլերով իջեցնում է կառույցի սահմանած չափազանց բարձր նշաձողը։
