Օրեր առաջ հրապարակվեց տեսանյութ, որտեղ անհասկանալի կերպաներ, անհայտ ծագումով՝ թուրք էին, թե ազերիներ իրանական անձնագրերով, Երևանի հրապարակում, հավանաբար, նոր տարվա ժամանակահատվածում Արցախի մասին էին երգում՝ ազատ ու համարձակ, պարզ: Այս մասին ասել է «Սրբազան պայքար» շարժման առաջնորդ Բագրատ Արքեպիսկոպոս Գալստանյանը:
«Մենք օրերով խոսել ենք սրա մասին, տասնյակ մարդկանց անիմաստ լցնում եք մեր կյանքը հսկելու, երբ երկրի անվտանգությունն իրական թշնամիներից որևէ կերպով չեք կարողանում ո΄չ վերահսկել, ո΄չ հսկել, ո΄չ էլ պատասխանատվության ենթարկել իրենց վարքագծի համար: Այդ մարդիկ անկախ նրանից դիվերսանտներ էին, թե ոչ, նրանք Երևանի հրապարակում նվաստանցում էին մեզ՝ երգելով, ուրախանալով մեր կյանքի ամենամեծ ողբերգության համար: Որևէ կերպով վերահսկողություն չունեն, մեր կյանքն ուրեմն անվտանգ չէ, ուղղակի անվտանգ չէ:  Ո՞վ է սրա պատասխանը տալու ԱԱ՞Ծ-ն, ոստիկանության տարբեր ստորաբաժանումնե՞ր, ովքե՞ր: Սա է ձեր ուրացման հետևանքը»,- ասաց նա:

Հիշեցնենք, որ Ռազմավարական հետազոտությունների անկախ կենտրոնի էջում ավելի վաղ տարածվել է տեսանյութ, որում ըստ տեսագրությունը տարածողի մի խումբ ադրբեջանցիներ Հանրապետության հրապարակում ադրբեջաներեն երգ են երգում Ղարաբաղի մասին: Հրապարակման հեղինակը նշել էր, որ դա խայտառակություն է, ավելի ուշ ԱԱԾ-ն հաղորդագրություն՝ նշելով, որ տեսագրությունում պատկերված անձիք Իրանի քաղաքացիներ են: Այսօր ԱԱԾ-ն հաղորդագրություն էր տարածել՝ հայտնելով, որ հաղորդում է ներկայացրել Քննչական կոմիտե աղմկահարույց տեսագրությունը տարածած անձի դեմ: