Եվրոպական միությունը (ԵՄ) կարող է Ռուսաստանի դեմ պատժամիջոցների 16-րդ փաթեթում ներառել ապրանքների 50 կատեգորիա: Նման ծրագրերի մասին Աստանա կատարած այցի ժամանակ հայտնել Է պատժամիջոցների հարցով ԵՄ հատուկ դեսպանորդ Դևիդ Օ' Սալիվանը, փոխանցում է Kazinform գործակալությունը։
Նա հստակեցրել է, որ 50 ապրանքային կոդերի դեմ պատժամիջոցներ սահմանելու հարցը քննարկվել է Ղազախստանի հետ: «16- րդ փաթեթը, անշուշտ, լրացուցիչ առևտրային սահմանափակումներ կբերի այդ 50 ապրանքների համար», - ասել է ԵՄ հատուկ բանագնացը:
Նրա խոսքով՝ Բրյուսելը ղազախական կողմին խնդրել է հատուկ ուշադրություն դարձնել նշված ապրանքներին։ Բացի այդ, նա ընդգծել է, որ Եվրամիությունը կարող է դադարեցնել առևտուրն այն ընկերությունների հետ, որոնք, ըստ ԵՄ-ի տեղեկատվության, հատուկ շրջանցում են պատժամիջոցները:
