Սինգապուրում շարունակվում է շախմատի աշխարհի չեմպիոնի համար մրցախաղը:

Աշխարհի գործող չեմպիոն չինացի Դին Լիժենը մրցում էր սպիտակ խաղաքարերով: Հավակնորդների մրցաշարի հաղթող Գուկեշը, ով մրցում էր սև խաղաքարերով, պարտիայի 22-րդ քայլին համաձայնեց կիսել միավորը:

Երկրորդ տուրից հետո Լիժենն ունի 1,5, իսկ Գուկեշը` 0,5 միավոր:

Չեմպիոնական մրցախաղում աշխարհի չեմպիոնի տիտղոսը փորձում է պահպանել Չինաստանից Դին Լիժենը, իսկ հավակնորդների մրցաշարի հաղթողը Հնդկաստանից Գուկեշ Դոմարաջուին է: Շախմատի աշխարհի չեմպիոնի մրցախաղը մեկնարկում է նոյեմբերի 25-ին: Այն բաղկացած է 14 դասական պարտիայից և հնարավոր ոչ-ոքիի դեպքում շախմատիստները կմրցեն թայ-բրեյքում:

Պատմության մեջ երկրորդն անգամն է, որ աշխարհի չեմպիոնի մրցախաղն անցկացվում է հարավարևելյան Ասիայում: 

Աղբյուրը՝ tert.am