Երեկ ԱԺ Քաղաքացիական պայմանագիր խմբակցության պատգամավոր Հովիկ Աղազարյանը հայտարարեց, որ չի պատրաստվում վայր դնել պատգամավորական մանդատը:

Նկատենք, որ օրերս Հանրային հեռուստաըկերությանը  տված հարցազրույցում, խոսելով աղմկահարույց պաշտոնանկությունների մասին, վարչապետ Նիկոլ Փաշինյանը ասել էր, որ Աղազարյանի ևս խնդրել է մանդատը վայր դնել:

Ստացվում է, որ վարչապետը նամակագրությամբ կարողանում է աշխատանքից ազատել այնպիսի պաշտոնյաների, ինչպիսին ՆԳ նախարարն է, Քննչական կոմիտեի նախագահը, Բարձրագույն դատական խորհրդի նախագահը, ՊԵԿ նախագահը և Հակակոռուպցիոն կոմիտեի նախագահը, բայց մի պատգամավոր կա որին չի կարողանում: Հովիկ Աղազարյանն այն պատգամավոր է, որ երբեք աչքի չի ընկել իր խելացի մտածելակերպով և պատգամավորին վայել պահելաձևով: Ժողովրդական առածն ասում է՝ գիտունին գերի եղի՛ր, անգետին սիրելի մի՛ եղիր: ՔՊ-ն ոչ պարկեշտ կադրերով ԱԺ-ն լցնելուց առաջ պիտի հաշվի առներ սա:

Իհարկե տրամաբանական է, որ պատգամավորը մանդատը ստացել է ընտրության արդյունքում և,  հետևաբար, պետք է աշխատի մինչ ժամկետի ավարտը: Սակայն տարիներ առաջ վարչապետը հայտարարում էր, որ չկա մեկը, որ իր «հա»-ին «չէ» կասի: Փաստորեն կա և դա իր իսկ կողմց ԱԺ բերած աձն է, ումից վտագ սպասել չէր կարելի:

Ստացվում է Աղազարյանը հրահրում է ՔԿ նախագահին, Աժ-ում միջադեպ է սկսում, Քյարամյանը հայտարարում է, որ նրա տղայի գործով զանգում են իրեն, միջադեպին միջամտում են այլ պատգամավորներ և արդյունքում հրաժարական են տալիս ՔԿ նախագահը, միջամտած պատգամավոր Նարեկ Զեյնալյանը, իսկ գլխավոր պատասխանատուն շարունակում է վայելել պատգամավորական փափուկ աթոռը: Իրավիճակը հավանբար ծանոթ  է նաև ՀՀ վարչապետին, երբ 44 օրյա պատերազմից հետո պատժվեցին բոլոր պաշտոնյաները, պաշտպանության մի քանի նախարար փոխվեց, բայց գլխավոր պատասխանատուն՝ ինքը …