Հյուսիսատլանտյան դաշինքը պլանավորում է ամրապնդել փոխգործակցությունը Հնդկա-խաղաղօվկիանոսյան տարածաշրջանում գործընկերների հետ: 

ԱՄՆ պետքարտուղար Էնթոնի Բլինքենն այս մասին հայտարարել է ՆԱՏՕ-ի գլխավոր քարտուղար Մարկ Ռյուտեի հետ Բրյուսելում կայացած հանդիպման ժամանակ։

«Վերջին տարիներին ՆԱՏՕ-ի ձեռնարկած միջոցառումներից մեկը Հնդկա-Խաղաղօվկիանոսյան տարածաշրջանի գործընկերների հետ փոխգործակցության ամրապնդումն է: Մենք էլ ավելին կանենք առաջիկա շաբաթների և ամիսների ընթացքում», - ասել է նա:

Դիվանագետի խոսքով՝ անհրաժեշտ է, որպեսզի դաշինքի անդամները որոշեն, թե ինչպես հետագայում ընդլայնեն ներկայությունը նրա տարածքային սահմաններից դուրս: 

 Աղբյուրը՝  Armenpress