Արցախն արդեն մեկ տարի է՝ ինչ հայաթափված է։ Արցախցի նախկին պաշտոնյաները Եռաբլուրում հարգանքի տուրք են մատցում անմեղ զոհերի հիշատակին, հիշում ու գնահատում նրանց սրխանքները։ Արցախի նախագահ Սամվել Շահրամանյանը, անդրադառնալով Ալեն Սիմոնյանի այն դիտարկմանը, թե Արցախի Հանրապետություն գոյություն չունի, և որ ինքն է ստորագրել հարամանագիրը, որով Արցախի Հանրապետությունը դադարում է գոյություն ունենալ, շատ մեղմ և զուսպ գնահատական տվեց՝ նշելով, որ ով ինչպես ցանկանում է այդպես էլ  ընդունում է Արցախի խնդիրը։

Ընդ որում, Ալեն Սիմոնյանի մասին խոսելիս, նրան դիմում է պաշտոնով, չշտապեց նաև արձագանքել Արցախի ներկայցուցչության լուծարելու հարցի մասին հայտարարություններին, ինչպես նաև՝ ՔՊ-ական պատգամավոր Գագիկ Մեքոնյանի հնչեցրած այն թեզին, թե արցախցիները հյուր են Հայաստանում և պետք է իրենց հյուրի պես պահեն։

Արցախցի տարբեր պաշտոնյաներ էլ իրարամեժ հայտարարություններ արեցին Արցախի Հանրապետությունը լուծարելու՝ Շահրամանյանի ստորագրած փաստաթղթի վերաբերյալ, արդարացիորեն հիշեցրին, որ Նիկոլ Փաշինյանն է Արցախը ճանաչել Ադրբեջանի մաս, որ Փաշինյանն է հրաժարվել Արցախի անվտանգության երաշխավորի իր պարտականություններից, որ հենց ինքը հայտարարեց, թե արցախցիների կյանքին վտանգ չի սպառնում, հենց նա համարեց, որ այդ համատարած կոտորածը Ադրբեջանի ներքին  գործն է և այլն։ Միաժամանալկ Արցախի բարձաստիճան պաշտոնյաները նշում են, որ հրամանագիրը չկա, որ այն չեղարկվել է կամ չի էլ եղել, որ տեղեկատվական շտաբը հայտարարություն է արել, պարզապես կյանքեր փրկելու համար և այլն։

Մի կողմ թողնենք անցյալը, ուժի սպառնալիքի տակ ստորագրված փաստաթուղթը։ Ինչո՞ւ հիմա չի հրապարակվում և՛ Արցախի լուծարման այդ չարաբաստիկ հրամանագիրը, և՛ դա չեղարկող նոր փաստաթուղթը կամ, պարզապես, ուղիղ չի հայտարարվում, որ այն, իսկզբանե, գոյություն չի ունեցել։ Հիմա՞ էլ Շահրամանյանի վրա ճնշումներ կան։

Ինչո՞ւ է լռում․․․եթե մեկ տարի առաջ 120 000 մարդու կյանքի պատասխանատվություն էր կրում, ապա հիմա ՀՀ-ում, որևէ արցախցու կյանքին սպառնալիք կա՞։ Հասարակության և հատկապես արցախցիների շրջանում բազում հարցեր, նույնիսկ մեկ տարի անց, մնացել են անպատասխան։ Մինչ օրս զոհերի թվի մասին հստակ տեղեկություն չկա, անուններ հրապարակված չեն, անհետ կորածներին կարծես չեն փնտրում, Արցախի Հանրապետության գերեվարված պաշտոնյաներին իր խոսքում Շահրամանյանը նույնիսկ չանդրադարձավ։

Այս քաղաքականությունը չի նպաստո՞ւմ արցախահայության վերադարձի հարցի մոռացմանը։ ՀՀ իշխանությունը այն վաղուց է փակել, իսկ Արցխաի՞ իշխանությունը․․․

 ա