Հանրապետության նախագահ Վահագն Խաչատուրյանը
շնորհավորական ուղերձ է հղել Գվատեմալայի Հանրապետության նախագահ Ալեխանդրո Էդուարդո
Ջիամատեյին Գվատեմալայի ազգային տոնի՝ Անկախության օրվա կապակցությամբ։
Ուղերձում ասվում է. «Լիահույս եմ, որ համատեղ ջանքերով կնպաստենք
Հայաստանի և Գվատեմալայի միջև հարաբերությունների զարգացմանն ու խորացմանը՝ ի շահ մեր
ժողովուրդների։
Հենց նմանորակ հաղորդագրություններից է, որ ՀՀ քաղաքացիները վերհիշում են երկրի
նախագահի գոյության մասին։
Որևէ մեկը նույնիսկ չի էլ ակնկալում, որ երկրի օրհասական ինչ-որ իրավիճակում
հանրապետության նախագահը որևէ ասելու և առավել ևս անելու բան կունենա, թեև ՀՀ հպարտ
քաղաքացին շարունակում է ամեն ամիս իր գրպանից պարբերաբար վճարել նախագահի աթոռը զբաղեցնող
անձի աշխատավարձը, հոգալ նրա և նրա ընտանիքի ամսական ծախսերը, վճարել ճոխ ճամփորդությունների
և այլնի համար։
Հավնաբար ՀՀ քաղաքացիների շատերը, առհասարակ, հայ-գվատեմալական հարաբերությունների
գոյության մասին էլ հենց այս պաշտոնական հաղորդագրությունից իմանացան, սակայն պարզվում
է, որ նման հարաբերությունները կան և այն նույնիսկ զարգացնելու և խորացնելու հույսներ
կան։
Իսկ արդյո՞ք Վահագն Խաչատրուրյանը տեղյակ է, որ հայկական երկրորդ հանրապետության՝ Արցախի նախագահի ընտրվելուց անցել է 6 օր, ինքը
կամ իր անունից իր աշխատակազմը դեռ որևէ շնորհավորական տող չի գրել նրա ընտրվելու առթիվ։
Պետք է հաշվի առնել, որ Խաչատուրյանն իր պաշտոնի համար խորապես պարտական է Նիկոլ
Փաշինյանին, ուստի անվերապահորեն էլ ծառայում է։ Օրերս Հանրային հեռուստաընկերությանը
տված իր հարցազրույցում Փաշինյանն ասաց, որ շնորհավորելու բան էլ չկա։ Վահագն
Խաչատուրյանն էլ, հավատարիմ իր թիմի ղեկավարին և անդամաներին, որոշեց, որ Արցախի հետ
հարաբերությունները զարգացնելու կարիք չկա և հույս չհայտնեց այդ առիթով։ Հայ-գվատեմալական
հարաբերություններն էլ, հավանաբար, երբեք այսքան լավ մակարդակի վրա չեն եղել։
Հոգ չէ, ՀՀ քաղաքացին կշարունակի իր բոլոր պարտավորությունները ժամանակին կատարել,
որ որևէ խոչընդոտ չստեղծվի իշխանության ներկայացուցիչների և հայ-գվատեմալական հարաբերությունների
զարգացման համար, իսկ հայերը կշարունակեն այս իշխանությանը ներել իր 120 000 բնակչությանը
