Թուրքիայի արտգործնախարար Հաքան Ֆիդանը հեռախոսազրույց է ունեցել ԱՄՆ պետքարտուղար Էնթոնի Բլինքենի հետ։

Այս մասին ասվում է Թուրքիայի ԱԳՆ հաղորդագրության մեջ։

Նշվում է, որ հեռախոսազրույցը տեղի է ունեցել ամերիկյան կողմի նախաձեռնությամբ։ Զրույցի ընթացքում քննարկվել են Հարավային Կովկասում տեղի ունեցող իրադարձությունները, մասնավորապես՝ Ադրբեջանի և Հայաստանի միջև հարաբերությունների կարգավորման գործընթացը, ինչպես նաև սևծովյան հացահատիկի գործարքի վերսկսումը, Սև ծովում անվտանգությունը և ՆԱՏՕ-ի ընդլայնումը։