Սեպտեմբերին հասունացող համեղ մրգերից մեկը թուզն է, որը հազարամյակների պատմություն ունի: Դրա մասին բազմիցս հիշատակվում է նաև Աստվածաշնչում:
Բացի մեղրահամ լինելուց, թուզը նաև խիստ առողջարար է մարդու օրգանիզմի համար: Բայց ոչ բոլորը գիտեն այդ գեղեցիկ ու նրբահամ մրգի կենարար հատկությունների մասին:
1. անհրաժեշտ է սրտի առողջության համար
Պտուղներում պարունակվող կալիումն արյան ճնշման հիանալի կարգավորիչ է: Իսկ կալիումով հարուստ սննդամթերքի օգտագործումը նպաստում է արյան բարձր ճնշման կարգավորմանը:
2. դուրս է բերում օրգանիզմից <<վատ>> խոլեստերինը
Այս իմաստով կարևոր է նաև խոլեստերինի մակարդակը: Թուզն այստեղ էլ է օգտակար՝ այն նվազեցնում է ճարպաթթուների քանակը և թույլ չի տալիս, որ դրանք կուտակվեն զարկերակներում: Այս առումով թզենու պտուղները կարող են սրտի տագնապների լավագույն կանխարգելիչը լինել:
3. ամրացնում է ոսկրային հյուսվածքը
Այս պտուղներում պարունակվող կալցիումի և ֆոսֆորի շնորհիվ այն կարող է խթանել օստեոգենեզը, այսինքն՝ նպաստել ոսկրի աճին: Այդ պատճառով օրթոպեդիկ վնասվածքներ ունեցող մարդկանց համար այս միրգը հատկապես կարևոր է:
4. օգնում է էրիթրոցիտների առաջացմանը
Պտուղները պարունակում են երկաթ, որը պատասխանատու է թոքերից թթվածնի փոխադրման համար՝ մեր օրգանիզմի մյուս հատվածներ: Երկաթի պակասը կարող է հանգեցնել անեմիայի: Այս հարցում օգնության կարող է հասնել թուզը, որի օգտագործումը նպաստում է արյան կարմիր մարմնիկների առաջացմանը՝ կանխելով իմունային համակարգի աշխատանքի խափանումը:
5. նիհարողների օգնականն է
Նրբահամ այս միրգը դիետիկ բջջանյութի մեծ աղբյուր է: Մեկ խոշոր պտուղը պարունակում է 1,9 գրամ այսպիսի բջջանյութ, իսկ դա օրական պահանջվող քանակի 8 տոկոսն է: Թուզն այս իմաստով կարող է վնասակար քաղցրեղենի հզոր այլընտրանք լինել՝ միանգամից կրկնակի օգուտ տալով օրգանիզմին: Մի կողմից, օրգանիզմը ստանում է նիհարելուն նպաստով բջջանյութ, իսկ մյուս կողմից՝ մարդն իրեն չի զրկում քաղցրից՝ փոխարինելով այն բնական տարբերակով: Բացի նիհարելը, բջջանյութը նաև նվազեցնում է արյան մեջ շաքարի մակարդակը:
6. Արյան բարձր ճնշում
Արյան ճնշումը կարգավորելու համար օգնության կհասնի թուզը։ Այն հարուստ է կալիումով, որը հիպերտոնիայի դեմ պայքարի գործում գլխավոր հանքանյութն է։
7. Խոչընդոտում է ծերացմանը
Թուզը մեծ քանակով հակաօքսիդանտներ է պարունակում։ Սրանք հայտնի են ազատ ռադիկալները չեզոքացնելու հատկությամբ, որոնք կարող են նկատելիորեն արագացնել ծերացման գործընթացը, հանգեցնել որոշ հիվանդությունների առաջացման։
8. Պաշտպանում է տեսողությունը
Հետազոտությունները ցույց են տալիս, որ հարկավոր է օրվա ընթացքում նվազագույնը 3 թուզ ուտել՝ տարիքային մակուլյար դեգեներացիայի զարգացման հավանականությունը նվազեցնելու համար։
9. Ամրացնում է իմունային համակարգը
Թուզը կարող է ամրացնել իմունային համակարգը։ Օրվա ընթացքում մի քանի թուզ ուտելով՝ կարող եք առողջ և ուժեղ լինել։
10. Երիտասարդացնում ու գեղեցկացնում է մաշկը
Անցկացվել են հետազոտություններ, որոնց արդյունքում մասնագետները հանգել են այն եզրակացության, որ թզի տերևներից պատրաստված էքստրակտը կարող է պայքարել կնճիռների դեմ։ Այն կարող է գեղեցկացնել մաշկը։
Եվ վերջում պետք է ավելացնել, որ թուզը դեռ հնագույն ժամանակներից օգտագործվում է նաև ժողովրդական բժշկությունում՝ որպես մրսածության, անգինայի, վերին շնչուղիների բորբոքումների դեմ հիանալի միջոց:
