Բանանը, ձուն և մի շարք այլ մթերքներ բարձրացնում են տրամադրությունը ։ Այս մասին «Лента ру»-ին պատմել է How to Eat սննդաբան Սոֆիա Կովանովան։
Դյուրամարս բարձր ածխաջրային սննդի օգտագործումը բավարարվածության զգացում է առաջացնում, հայտարարել է Կովանովան։ Նա բացատրել է, որ դա տեղի է ունենում սերոտոնինի արագ արտազատման պատճառով: Այդ իսկ պատճառով վատ տրամադրությամբ ուզում ես ուտել քաղցր կամ խմորեղեն։
Այնուամենայնիվ, բարձր ածխաջրային արտադրանքները երկար ժամանակ չեն կարողանում բարելավել հուզական վիճակը: Անհրաժեշտ է ճիշտ սննդակարգ՝ հարուստ սպիտակուցներով, ճարպերով և ածխաջրերով։ Այն օգնում է սերոտոնինը կայուն մակարդակի վրա պահել։
Կովանովան խորհուրդ է տվել բանան ուտել սերոտոնինի մակարդակը բարձրացնելու համար։ Բանանը տրիպտոֆանի հիանալի աղբյուր է՝ ամինաթթու, որը համարվում է սերոտոնինի նախորդողը: Բացի այդ, բանանը պարունակում է վիտամին B6 և կալիում, որոնք օգնում են նվազեցնել սթրեսի մակարդակը:
Սննդաբանը նշել է, որ մեկ այլ իսկական սուպերֆուդ է ձուն։ Դրանք սպիտակուցի, մագնեզիումի, կարոտինների, A, E, D, B վիտամինների լավ աղբյուր են: Դրանց օգտագործումը դրականորեն է ազդում ինչպես մտավոր, այնպես էլ ֆիզիկական առողջության վրա:
Պանրեղենը պարունակում է տրիպտոֆան, սպիտակուց, կալցիում և վիտամին D: Հակասթրեսային ամինաթթուները օգնում են բարելավել տրամադրությունը: Ընկույզները սպիտակուցի և օմեգա -3 ճարպաթթուների հարուստ աղբյուր են, որոնք բարելավում են տրամադրությունը։
Ծովային կաղամբը B խմբի եւ մագնեզիումի պարունակության շնորհիվ կարեւոր դեր է խաղում սերոտոնինի մակարդակի կարգավորման գործում, նշել է Կովանովան։ Այն պահպանում է ադրենալինի մակարդակը՝ դրանով իսկ մեծացնելով աշխատունակությունը և հեռացնելով հոգնածությունը։
Սակայն, զրուցակիցը նախազգուշացրել է դրանք չչարաշահելու մասին։ Միայն ռացիոնալ կերպով կազմված բազմազան սննդակարգը կօգնի բարելավել հուզական վիճակը։
«Կան նաև մթերքներ, որոնք պետք է ամբողջությամբ բացառվեն ձեր սննդակարգից, եթե դուք գտնվում եք անբարենպաստ հուզական վիճակում», — շարունակել է Կովանովան։ - Առաջին հերթին սուրճն է։ Այն, ակտիվորեն խթանելով նյարդային համակարգի աշխատանքը, առաջացնում է B և D վիտամինների անհավասարակշռություն: Դրա պատճառով դյուրագրգռություն է առաջանում»:
Փաթեթավորված հյութերը պարունակում են մեծ քանակությամբ շաքար եւ արագ ածխաջրեր, որոնք ադրենալինի գերարտադրություն են առաջացնում եւ բարձրացնում սթրեսը, հավելել է սննդաբանը: Պետք է նաև նվազագույնի հասցնել ալկոհոլի օգտագործումը։ Այն առաջացնում է արյան շաքարի տատանումներ և մարմնի ջրազրկում, ինչը ենթադրում է սթրեսի հորմոնների արտադրություն:
