Oragir.News-ի տեղեկություններով՝ Ազգային անվտանգության ծառայությունում քրեական գործ է հարուցված ԲԴԽ նախագահ Կարեն Անդրեասյանի նկատմամբ` լիազորությունների չարաշահման հոդվածով։

Ըստ կայքի՝ նրան անգամ կարող են կալանավորել։ Գործը հարուցված է Վերաքննիչ քրեական դատարանում «ստվերային նախագահ» ընտրելու դեպքի առթիվ։

Լուրի իսկությունը ճշտելու համար Vesti.am-ը կապ հաստատեց ԱԱԾ մամուլի կենտրոնի հետ, որտեղից ասացին, որ հարցին միայն գրավոր կպատասխանեն։

Այն դիտարկամնը, որ Տեղեկատվության ազատության մասին օրենքը սահմանում է բոլոր այն դեպքերը, թե երբ կարող են գրավոր հարցում պահանջել, ուստի խնդրեցինք հղում անել դրանցից առնվազն մեկին: Լրատվականից հայտնեցին, որ իրենք այդպես են աշխատում։

Քանի որ Vesti.am-ին միայն հետաքրքրում էր՝ վարույթ նախաձեռնված է թե ոչ, առաջարկեցիքն ավելի ուշ զանգահարել և միայն այո կամ ոչ պատասխանը ստանալ, ինչին ի պատասխան կրկին հորդորեցին գրավոր հարցում ուղարկել։

ԲԴԽ մամուլի խոսնակ Լիլիթ Շաբոյանն էլ հայտնեց, որ մամուլից են տեղեկացել այդ լուրի մասին, Անդրեասյանը ԱԱԾ չի կանչվել, գրություն չի ստացել և չի հարցաքննվել։