Արմեն Աշոտյանին կալանավորելու միջնորդություն է ներկայացվել դատարան։ «Լուրերի» հետ զրույցում ասել է Քննչական կոմիտեի մամուլի քարտուղար Գոռ Աբրահամյանը։
Ավելի վաղ տեղեկացրել էինք՝ ՀՀԿ փոխնախագահ Արմեն Աշոտյանը ձերբակալվել է:
Գոռ Աբրահամյանը պարզաբանել է, որ «Երևանի Մխիթար Հերացու անվան պետական բժշկական համալսարան» հիմնադրամում կատարված առերևույթ չարաշահումներին վերաբերող քրեական վարույթի շրջանակում Աշոտյանը խախտել է խափանման միջոցի պայմանները:
Պաշտոնեական դիրքի չարաշահման և փողերի լվացման մեղադրանքով նրա նկատմամբ խափանման միջոց էր ընտրվել երկրից չհեռանալու մասին ստորագրությունը:
