«Մենք պետք է անուն առ անուն ճանաչենք
նրանց, ովքեր կքվեարկեն Արցախն Ադրբեջանին հանձնելու օգտին»։ Այս մասին հայտրարել է Արցախի նախագահի խորհրդկան
Դավիթ Բաբայանը։ Թե որքանո՞վ է կարևոր քվերակողների անունները և ի՞նչ կտա այն Արցախին
կամ արցախցիներին, Vesti.am-ին մեկնաբանել է քաղտեղնոլոգ Արմեն Բադալյանը։
«Բաբայանն այդ կերպ փորձում է խուսափել
իրերն իրենց անունով կոչելուց։ Ինքը շատ լավ հասկանում է, որ հարցը ՔՊ պատգամավորի
քվերակությամբ չի լուծվում։ Նրանք ընդամենը
միայն գլխաքանակ են, որոնք քվեարկելու են այն որոշման օգտին, որը կայացրել է կոնկրետ
մեկ մարդ։ Այդ մեկ մարդու անունը Ձեր նշած անձը շատ լավ գիտի։ Ինքը վախենում է և
խուսափում է տվյալ անձի անունը հնչեցնելուց։ Ասենք թե իմացանք, որ ՔՊ-ից քվեարկում
է «Պողոս Պողոսյանը», դա իրեն ի՞նչ է տալու, քննադատական ալիքն ուղղելու են իրենից ոչինչ
չներկայացնող այդ պատգամավորին»,- նշեց Բադալյանը։
Ըստ քաղտեխնոլոգի՝ Բաբայանն անուններ
չի տալիս, քանի որր վախենում է գործազուրկ մնալուց և սկսում է մանիպուլատիվ և պրիմիտիվ
տեխնոլոգիաներով գործընթաց իրականացնելը, որ չի աշխատում։
