Ռուսական խաղաղապահ կոնտինգենտի զինվորականները Լեռնային Ղարաբաղի բնակիչների համար առաքել են ավելի քան 30 տոննա մարդասիրական բեռ «Մենք միասնական ենք» բազմազգ նախագծից։ Այս մասին հայտնում է ՌԴ պաշտպանության նախարարությունը։

Ըստ ՌԴ ՊՆ հաղորդագրության՝ ռուս խաղաղապահները պարբերաբար գործողություններ են իրականացնում Լեռնային Ղարաբաղի ուսումնական հաստատություններին և ընտանիքներին անհրաժեշտ մարդասիրական օգնություն փոխանցելու համար:

Այդ ակցիաներից մեկն էլ տեղի է ունեցել Ստեփանակերտ քաղաքի դպրոցներում։ Ռուս խաղաղապահները սննդի փաթեթներ են բաժանել դպրոցում առաջադիմությամբ աչքի  ընկնող աշակերտներին, անապահով ընտանիքներին, մարդասիրական օգնություն են ստացել նաև մանկատներից մեկի սաներն ու դաստիարակները։