Իշխանությունները ցանկանում են էապես հեշտացնել բիզնես-միջավայրը գործունեության որոշ ոլորտներում։ Այս մասին Ազգային ժողովի նիստում, «Գործունեության իրականացման ծանուցման մասին» օրինագծերի փաթեթի երկրորդ եւ վերջնական ընթերցման քննարկման ժամանակ, մայիսի 2-ին ասել է հանրապետության էկոնոմիկայի փոխնախարար Անի Իսպիրյանը։
Խոսքը 7 ոլորտների մասին է. գարեջրի, գինու, խնձորի եւ այլ հատապտղամրգային գինիների եւ մեղրի հիման վրա ալկոհոլային ըմպելիքների, ինչպես նաեւ 9 տոկոս սպիրտ պարունակող լիկյորի եւ այլ ալկոհոլային ըմպելիքների արտադրության։ Խոսքը նաեւ ավելի քան 100 հազար լիտր ծավալով շշերով կոնյակի ներկրման եւ իրացման մասին է։ «Այդ եւ գործունեության այլ տեսակներն այսուհետ կազատվեն ծանուցման մասին պահանջից»,- պարզաբանել է Իսպիրյանը։
Ծանուցումը լիցենզիայի պարզեցված տեսակ է, իսկ գործունեության այդ տեսակների լիցենզիայի կամ ծանուցման չեղարկումը սեկտորի ընկերություններին կամ գործարարներին թույլ կտա շատ ավելի հեշտ դուրս գալ շուկա եւ ազատվել թղթաբանությունից։
