ՀՀ արտաքին գործերի նախարարությունը դեռ չի հաստատում, որ Հայաստանի և Ադրբեջանի արտաքին գործերի նախարարների հանդիպումը կկայանա Ռուսաստանում, սակայն նշում է, որ նախարարների հանդիպման պայմանավորվածություն կա։
«Արտգործնախարարների հանդիպման վերաբերյալ պայմանավորվածություն և առաջարկներ կան, սակայն հանդիպման կոնկրետ վայրի ու ամսաթվի մասին ավելի ուշ կհայտարարվի»,- Aysor.am-ին ասաց ՀՀ ԱԳՆ մամուլի խոսնակ Անի Բադալյանը։
Հիշեցնենք՝ այսօր ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ պայմանավորվածություն է ձեռք բերվել Ռուսաստանի տարածքում Հայաստանի և Ադրբեջանի արտգործնախարարների հանդիպման վերաբերյալ։
«Կոնկրետ ամսաթիվը կհայտարարվի ավելի ուշ»,- ասել էր նա։
Աղբյուրը՝ Aysor.am
