Մայիսի 13-ին կայացած նիստի ժամանակ Ուկրաինայի Գերագույն ռադայի պատգամավորները չեն կարողացել քննարկել և ոչ  մի օրինագիծ այն բանի պատճառով, որ ժողովրդական պատգամավորները  հերթական անգամ վեճի են բռնվել: Այս անգամ լեզվակռիվը  սկսել է նրանից, որ «Ընդդիմական բլոկի» պատգամավորներից մեկը՝ Ալեքսանդր Վիլկուլը  իր ելույթը սկսել է ռուսերենով:

Այդ պահին ամբիոնին է մոտեցել  «Народный фронт» կուսակցության պատգամավոր Յուրի Տիմոշենկոն և սկսել բարկանալ: Այս մասին հաղորդում է «ТАСС»-ը: Վիլկուլը հայտարարել է, որ ինքն ազատ երկրի քաղաքացի է և իրավունք ունի ելույթ ունենալ անգամ լեհերեն և հունգարերեն:

Այնուհետև, խորհրդարանի առաջին փոխխոսնակ Իրինա Գերաշենկոյի ներկայությամբ, պատգամավորներն սկսել են քաշքշել միմյանց, որի պատճառով Գերաշենկոն  ստիպված է եղել վաղաժամկետ փակել առավոտյան նիստը:

Vesti.am